你 m̄ 是恁 pâ ê 囝

後生想欲娶某, kā in 老爸講:
- Pâ, 我想欲娶花店 in 查某囝.
- Bē-sái, 彼是恁小妹.
- 若 án-ne, 我欲娶肉砧 ê 查某囝.
- Bē-sái, 彼 mā 是恁小妹.
後生無法度, 去 chhōe in 老母:
- Mâ, 我想欲娶花店 in 查某囝, 後來改肉砧 ê 查某囝, pâ 攏講 bē-sái, 講 in 是我 ê 小妹. 欲按怎?
In 老母細聲 kā 講:
- 免煩惱, 你 m̄ 是恁 pâ ê 囝.

--

Hāu-seⁿ siūⁿ boeh chhōa bó͘, kā in lāu-pē kóng:
- Pâ, góa siūⁿ boeh chhōa hoe-tiàm in cha-bó͘-kiáⁿ.
- Bē-sái, he sī lín sió-moāi.
- Nā án-ne, góa boeh chhōa bah-tiam ê cha-bó͘-kiáⁿ.
- Bē-sái, he mā sī lín sió-moāi.
Hāu-seⁿ bô hoat-tō͘, khì chhōe in lāu-bú:
- Mâ, góa siūⁿ boeh chhōa hoe-tiàm in cha-bó͘-kiáⁿ, āu..lâi kái bah-tiam ê cha-bó͘-kiáⁿ, pâ lóng kóng bē-sái, kóng in sī góa ê sió-moāi. Boeh án-chóaⁿ?
In lāu-bú sè-siaⁿ kā kóng:
- Bián hoân-ló, lí m̄-sī lín pâ ê kiáⁿ.